الشروط والسياسات

عرض 3 حواديت

3 حواديت بطباعة اقتصادية بـ499 ج.م، وكل حدوتة اقتصادية زيادة بـ165 ج.م.

3 حواديت بطباعة مميزة بـ699 ج.م، وكل حدوتة مميزة زيادة بـ233 ج.م.

لو الحواديت طباعتها مختلفة، سعر الكميات بيتطبّق من 4 حواديت.

العرض بيتطبّق لوحده في السلة لحد 31 ديسمبر 2026، وينفع تستخدم معاه كوبون.

شحن مجاني

شحن مجاني للطلبات فوق 1,000 ج.م لحد 31 ديسمبر 2026، وبيتطبّق لوحده.

مش بيتجمع مع الكوبونات، بس ينفع مع البرومو كود ومع عرض الـ3 حواديت.

خصم 20%

خصم 20% على الطلبات اللي إجماليها فوق 2,000 ج.م، وبحد أقصى 500 ج.م للطلب.

الخصم بيتحسب على أسعار المنتجات بعد التخفيض، ومش بيتحسب على الشحن.

العرض لفترة محدودة: لحد 31 ديسمبر 2026. كوبون واحد بس في الطلب، ومش بيتجمع مع الرصيد أو البرومو كود.

الكوبون بيتستخدم مرة واحدة لكل عميل، ومحتاج تدخل حسابك بكود يوصلك على واتساب.

الرصيد الترحيبي

لما تسجّل حساب جديد بيتضافلك رصيد 50 ج.م، وبتستخدمه في صفحة الدفع.

تقدر تستخدم لحد 100 ج.م من رصيدك في الطلب الواحد. الرصيد مالوش تاريخ انتهاء، ومش بيتحوّل لفلوس.

الرصيد طريقة خصم، فمش بيتجمع مع كوبون أو برومو كود في نفس الطلب.

الطلب

بعد ما تأكّد الطلب، بنبدأ التصميم بالبيانات والصور اللي بعتها.

انت مسؤول إن الأسماء والأعمار والصور اللي بتبعتها صح.

المنتجات المخصصة

كل منتج بيتعمل مخصوص باسم طفلك وصورته، عشان كده مش بيترجع بعد الطباعة، إلا لو فيه عيب في الطباعة.

الأسعار

الأسعار بالجنيه المصري، والشحن بيتحسب حسب المحافظة. سعر الإضافات مكتوب جنب كل اختيار، والإجمالي بيظهر قبل الدفع.

صور الأطفال

الصورة بتستخدم لعمل الحدوتة بس، ومحدش بيشوفها غير فريق التصميم.

كل صورة بتتمسح بعد 3 شهور من رفعها، سواء الطلب اتدفع أو لأ.

لازم اللي بيرفع الصورة يكون ولي أمر الطفل أو عنده إذنه.

بياناتك

بنستخدم رقمك عشان نبعتلك التصميم وتحديثات الطلب على واتساب، وعنوانك عشان التوصيل بس.

مش بنبيع بياناتك ولا بنشاركها مع حد، غير شركة الشحن اللي بتوصل الطلب.

مدة التوصيل

الطلب بيوصل لحد باب البيت خلال 3 لـ 7 أيام من تأكيد التصميم، ونسخة PDF بتوصلك خلال 24 ساعة.

سعر الشحن

السعر حسب المحافظة، وبيظهر في صفحة الدفع أول ما تختارها:

طريقة الدفع

بتدفع 25% من الإجمالي أونلاين، وبحد أدنى 100 ج.م، والباقي كاش للمندوب عند الاستلام.

الدفع أونلاين بالكارت أو محفظة الموبايل عن طريق كاشير، أو بإنستاباي.

إنستاباي

بعد التحويل ارفع صورة التحويل. الطلب بيتأكد أول ما فريقنا يشوف المبلغ.

قبل الطباعة

التصميم بيوصلك قبل الطباعة. لو عندك ملاحظة ابعتها خلال 3 ساعات، ولو ما وصلناش رد بنبدأ الطباعة.

بعد الطباعة

أي تعديل بعد بداية الطباعة بيبقى حسب فريق خدمة العملاء، وممكن يكون بمصاريف.

لو وصلك المنتج فيه عيب

كلّمنا على واتساب خلال 24 ساعة من الاستلام، وابعت صورة للعيب، ونعيد طباعته.